Diretór Servisu Munisipál Seguransa Alimentár, Reinaldo Moniz. Imajen Tatoli/Celestina Teles

COVALIMA, 07 jullu 2021 (TATOLI)-Servisu Munisipál Seguransa Alimentár (SMSA) sei promove grupu agrikultór ne’ebé transforma produtu lokál sai bolu no pudding.

“Ami identifika ona grupu 20 no ami konvida sira halo espozisaun ai-han no halo kompetisaun kulinária hodi identifika sira-nia atividade kualidade liuhosi selebrasaun loron ai-han mundiál,” Diretór Servisu Munisipál Seguransa Alimentár, Reinaldo Moniz, informa ba Tatoli iha Covalima, kuarta ne’e.

SMSA iha planu atu promove grupu agrikultór sira hodi hadi’a ekonomia família no hadi’a nutrisaun.

Durante ne’e, grupu agrikultór sira-ne’e transforma produtu lokál-sira hanesan batar transforma ba bolu no Fehuk midar sai fali pudding.

“Ami transforma akar, du’ut-morin no marungi sai fali bolu. Durante ne’e ami haruka ba Dili, maibé tanba serka sanitária suspende hela atividade ne’e,” Xefe grupu Remajeleju, Regolinda  Ikun Lesek hateten.

Grupo Remajeleju harii iha loron 29  marsu 2012 ne’ebé ho nia membru hamutuk feto na’in-lima (5) no mane na’in -rua (2)  ho objetivu atu transforma ai-han lokál  ba bolu no mós seluk tan hodi fa’an ba merkadu.

Jornalista       : Celestina Teles

Editór             : Francisco Simões 

 

HAKEREK NO HATÁN

Please enter your comment!
Please enter your name here