INFORDEPE.

DILI, 07 jullu 2021 (TATOLI) – Profesór na’in-2.593 nivel baxarelatu hosi Universidade Nasionál Timor Lorosa’e (UNTL) sei hala’o estájiu iha eskola ensinu báziku sira iha territóriu nasionál hahú 22 jullu to’o setembru 2021.

Prezidente Institutu Nasionál Formasaun Dosente Profisionál Edukasaun (INFORDEPE),  Manuel Gomez de Araújo, afirma katak profesór nivel baxarelatu sira antes ne’e hanorin ona iha eskola ensinu báziku sentrál sira tanba ejijénsia nivel edukasaun sira tenke hetan tan kursu iha UNTL hodi hasa’e tan sira nia nivel edukasaun.

“Karik fulan ida-ne’e mak laiha impedimentu ruma, ita sei halo ona lansamentu estájiu bá sira,” . Manuel Gomez de Araújo haktuir ba Agência Tatoli iha Edifísiu INFORDEPE, Balide, Dili, kuarta ne’e.

Diretór Servisu Edukasaun Munisípiu Dili (SEMD) Duarte Bragansa, informa katak planu Ministériu Edukasaun nian atu re-ativa eskola iha Dili hahú meadu fulan ne’e. Kuandu laiha impedimentu ruma buat hotu bele lao ona. Ne’e duni programa ne’ebé INFORDEPE planeia atu realiza estájiu bá profesór-sira ne’e bele iha posibilidade.

“Ita hotu esforsu prepara kondisaun iha eskola-sira atu bele re-ativa fali prosesu ensinu aprendizajen. Maibé depende bá desizaun Governu nian,”  nia tenik.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here