Organizasaun Internasionál Mary Mackilop Today (MMT) hosi Austrália, fó apoiu nesesidade bázika ba vítima dezastre naturál liuhosi Sekretária Estadu Protesaun Sivíl (SEPS), iha edifísiu SEPS, Caicoli, tersa (06/07/21). Imajen Tatoli/José Sá.

DILI, 06 jullu 2021 (TATOLI)—Organizasaun Internasionál Mary Mackilop Today (MMT) hosi Austrália, fó apoiu nesesidade bázika ba vítima dezastre naturál liuhosi Sekretária Estadu Protesaun Sivíl (SEPS).

“Ohin ita simu apoiu nesesidade bázika hosi MMT hodi tulun família afetadu iha 14 abríl,’’ Diretór Jerál SEPS, Superitendente, Ismael Babo, hateten ba jornalista Agência Tatoli iha kna’ar-fatin, Caicoli, tersa ne’e.

Notísia relevante:SEPS-CRS oferese apoiu umanitáriu ba família 529 iha Becora

Sasán hirak-ne’e mak hanesan, foos saka 162, supermie kaixa 235, mina-tein kaixa 27, masin kaixa tolu no masako kaixa ida.

Parte SEPS sei halo fila-fali pakote hodi distribui ba família afetadu dezastre naturál ne’ebé to’o oras-ne’e seidauk hetan apoiu hosi kulkér instituisaun.

Tuir dadus, to’o ohin SEPS fó ona apoiu umanitáriu hanesan ai-hán no la’ós ai-hán ba família hamutuk 22.966 no família ne’ebé seidauk simu apoiu hamtuk 7.270.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here