iklan

NASIONÁL, DILI, HEADLINE, SEGURANSA

MI inaugura sentru formasaun tátika UEP

MI inaugura sentru formasaun tátika UEP

Vise Ministru Interiór, António Armindo, hala’o inaugurasaun ba sentru formasaun tátika Unidade Espesiál Polísia (UEP), iha Bairru-Pité, tersa (06/07/21). Imajen Tatoli/Nelson de Sousa.

DILI, 06 jullu 2021 (TATOLI)—Ministériu Interiór (MI), liuhosi Vise Ministru, António Armindo halo  inaugurasaun ba sentru formasaun tátika Unidade Espesiál Polísia (UEP).

António Armindo, konsidera sentru formasaun ne’e importante tebes hodi kompleta insfraestrutura báziku Polísia Nasionál Timor-Leste (PNTL), atu bele kontinua fó kapasitasaun  ba membru-sira.

Notísia relevante:TLPDP apoia formasaun lian Ingles ba UEP hodi prepara ba misaun paz iha ONU

“Sentru treinamentu ne’e fó vantajen bo’ot ba PNTL, hodi eleva prontidaun membru  UEP hotu-hotu  iha profisionalizmu serbi nasaun. Tanba ne’e, husu atu utiliza fatin ne’e ho kuidadu,’’ António Armindo,  hateten durante diskursu iha edifísiu UEP, Bairru Pité, Dili, tersa ne’e.

Governante ne’e nia lori Governu nia naran, agradese ba apoiu hosi Governu Austrália liuhosi TLPDP ba konstrusaun insfraestrutura bázika PNTL inklui sentru formasaun táktikal ne’e rasik.

Iha fatin hanesan Embaixadór Austrália iha Dili, Pitter Roberts, hateten Austrália iha komitmentu atu kontinua hametin relasaun liuliu ba dezenvolvimentu PNTL, no sei suporta treinamentu iha sentru formasaun ne’e.

“Ha’u kontente tebes bele partisipa iha eventu ne’e reprezenta kooperasaun entre polísia Austrália no PNTL. Ho edífisiu ne’e dezeña espesiál bele adapta atu kria ambiente  hodi fasilita treinamentu atu responde ba situasaun perigu,” nia dehan.

Partisipa iha serimónia inaugurasaun ne’e segundu Komandante Jerál PNTL, Mateus Fernades no komandante PNTL hosi munisípiu-sira.

Sentru formasaun taktikál ne’e konstrui iha fulan fevereiru no termina iha maiu tinan ne’e, ne’ebé apoia fundu hosi Timor-Leste Police Development Program (TLPDP) ka Polísia Federal Austrália ho montante rihun $117.

Jornalista: Nelson de Sousa

Editór: Cipriano Colo

iklan
iklan

Leave a Reply

iklan
error: Content is protected !!