Prokuradór Jerál Repúblika, Alfonso Lopez. Imajen Tatoli/Egas Cristovão

DILI, 06 jullu 2021 (TATOLI)—Prokuradór Jerál Repúblika (PJR), Alfonso Lopez, informa Kazu pendente kontinua aumentu iha Ministériu Públiku (MP) ho totál hamutuk 2.721.

Alfonso Lopez hatutan, kazu pendente aumenta tanba hafoin Governu hakotu konfinamentu domisiliáriu ne’e ema barak mak ba partisipa no keixa sira-nia kazu ba Ministériu Públiku.

Notísia Relevante: Serka sanitária, kazu 2.577 pendente iha Ministériu Públiku

“Kazu pendente konitnua aumentu ba 2.721 tanba ita-nia Governu loke ka hakotu ona konfinamentu domisiliáriu entaun kazu tenke aumentu tanba ema barak komesa keixa ka partisipa iha laran ona. Entaun, konserteza kazu pendente tenke aumenta ba beibeik,” Alfonos Lopez hateten ba jornalista sira, hafoin hasoru malu ho Prezidente Repúblika, Francisco Guterres Ló Olo, iha Palásiu Prezidensiál Nicolau Lobato, Dili, tersa ne’e.

Nia hatutan, iha fulan kotuk ho kazu pendente hamutuk 2.721 ne’e no kazu entrada iha nivel nasionál hamutuk 448, maibé prokuradór sira servisu makaas hodi prosesa no ramata akuza ho arkiva iha 396.

Iha fulan-maiu nia rohan, Ministériu Públiku (MP) konsege termina kazu 253 no iha fulan-juñu ne’e prokuradór termina akuza ho arkiva hamutuk 396 no mais akuza ba prosesu ne’e iha akuza no arkiva ne’e hamutuk 143.

Hosi kazu hirak ne’e, nia informa, hosi krime dominante mak  krime ofensas no korporais, violénsia doméstika, abuzu seksuál menór no balun krime omisídiu.

Entretantu kona-ba kazu akontese iha Munisípiu Viqueque ne’e suspeitu tama ona prizaun preventiva no vítima transporta ona mai iha Hospitál Nasionál Guido Valadares (HNGV) hodi halo tratamentu intensivu. 

Jornalista : Osória Marques

Editór       : Cancio Ximenes  

HAKEREK NO HATÁN

Please enter your comment!
Please enter your name here