Kondisaun estrada dirasaun Beduku ne’ebé hetan estragu tanba inundasaun ne’ebé akontese iha loron 04 abríl. Imajen TATOLI/António Gonçalces

DILI, 06 jullu 2021 (TATOLI)–Ajénsia Japaun ba Kooperasaun Internasionál (JICA, sigla inglés) prontu atu fó asisténsia téknika hala’o estudu rekonstrusaun infraestrutura kauza dezastre naturál ne’ebé akontese iha loron 04 abríl.

“JICA simu ona pedidu hosi Primeiru-Ministru atu halo estudu estragu infraestrutura kauza dezastre naturál iha fulan-abríl. Nune’e, JICA hahú prepara atu haruka péritu sira hosi Japaun mai hodi halo estudu no rekomenda ba Governu atu mellora rekuperasun infraestrurura,” Reperezentante JICA ha Timor-Leste, Goto Ko, informa ba Agência TATOLI, iha Praia dos Coqueiros, Dili, segunda ne’e.

Perítu hosi Japaun sei to’o iha Timor-Leste iha setembru tinan ne’e hodi hahú halo estudu hamutuk ho Tékniku Enjeñeria Universidade Nasionál Timor Lorosa’e (UNTL) iha terrítoriu tomak atubele prevene estragu infraestrurura iha futuru.

Governu Japaun liuhosi JICA prevee ona millaun $1 bodi halo estudu ne’e.

Antes ne’e, Primeiru Ministru, Taur Matan Ruak, fó ona orientasaun ba ekipa liña ministeriál, kompostu hosi Ministériu Obra Públika (MOP) no Ministériu Planu no Ordeanemntu (MPO), hamutuk ho UNTL atu halo estudu kle’an ba estragu infraestrutura komplexa hafoin halo rekonstrusaun.

Notísia relevante: PM orienta halo estudu estragu infraestrutura komplexa molok rekonstrusaun

Tuir dadus ne’ebé ekipa téknika halo ona ho kooperasaun hosi Ministériu Administrasaun Estatál (MAE) inklui autoridade lokál no obra públika munisipál, identifika estragu iha lokál hamutuk 101 ho kustu estimasaun millaun $245.

Hosi dadus ne’e, projetu reabilitasaun estruturál simples hamutuk 57 ne’ebé klasifika hosi kustu inferior millaun $1 no projetu reabilitasaun estruturál komplexa hamutuk 44 ho kustu estimadu boot-liu millaun $1.

Jornalista : Florêncio Miranda Ximenes

Editora     : Julia Chatarina

HAKEREK NO HATÁN

Please enter your comment!
Please enter your name here