Komandante PNTL Unidade Tránzitu Munisípiu Covalima, Sarjentu Xefe Patrício de Jesus. Imajen Tatoli/Celestina Teles

COVALIMA, 06  jullu  2021 (TATOLI) – Hosi janeiru to’o juñu, tinan ne’e, Polísia Nasionál Timor-Leste (PNTL) Unidade Tránzitu Munisípiu Covalima, kontribui reseita $47.600,00 ba kofre Estadu.

“Osan sira ne’e halibur liuhosi atividade auto-stop no koima ba transporte sira ne’ebé laiha dokumentu no balun nia dokumentu inválidu to’o agora seidauk renova,” Komandante PNTL Unidade Tránzitu Munisípiu Covalima, Sarjentu Xefe Patrício de Jesus, informa ba jornalista sira iha Covalima, tersa ne’e.

Transporte sira ne’ebé tama iha infrasaun kompostu hosi motorizada 568 no karreta 41. “Motorista balun kondús transporte, mas laiha karta kondusaun. Hirak ne’e tenke selu multa ka aplika koima tuir Lei haruka,” nia hateten.

Biban ne’e, nia mós informa, durante janeiru to’o juñu, Tránzitu Covalima rejista asidente no insidente hamutuk sia. Hosi kazu ne’e; hitu rezolve família no rua kontinua ba prosesu judisiál.

Jornalista      : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here