Ministru Justisa, Manuel Cárceres da Costa. Imajen Tatoli/Egas Cristovão.

DILI, 06 jullu 2021 (TATOLI)—Dadur hosi prizaun Becora, Gleno no Suai, hamutuk na’in 649 mak rekoperadu hosi COVID-19.

“To’o ohin, estabelesimentu prizionál Suai iha dadur 103, hela na’in-ida mak sei pozitivu no prizaun Becora iha dadur 547  livre hotu ona,” Ministru Justisa, Manuel Cárceres da Costa, relata novidade ne’e ba Primeiru Ministru (PM), Taur Matan Ruak iha rezidénsia, Faról, tersa ne’e.

Notísia relevante:COVID-19: prizioneiru-guarda prizionál infetadu, 202 rekoperadu

Alende ne’e iha prizaun Gleno dadur na’in 59 no guarda prizionál na’in-ida mak pozitivu asintómatiku ho kondisaun di’ak, nune’e serbisu saúde munisípiu Ermera kontinua akompaña intesivu.

Kona-bá vasina iha prizaun Becora, dadur hotu-hotu simu ona vasina no hela na’in 26 mak seidauk simu tanba sofre moras komplikasaun.

Antes ne’e, Diretór Prizaun Becora, João Domingos, hateten parte prizaun kontinua suspende atividade vizita família no sosiál, nune’e evita transmisaun COVID-19, no kontinua kumpre protokulu saúde.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here