Virus Corona Varian Delta Plus. imajen/Google

COVALIMA, 06 jullu 2021 (TATOLI) – Administradór Munisípiu Covalima, Francisco de Andrade, sei koordena ho ekipa saúde iha Covalima, atu hala’o sensibilizasaun ba komunidade iha área fronteira hanesan Postu Administrativu Famea, Fatululik no Tilomar, kona-bá virus corona B.1.6127.2 ka viarian delta.

Peste letál variante delta ne’e ba dahuluk da’et iha India no komesa sia ona preokupasaun ba mundu no konsege nakda’et mai to’o ona iha nasaun viziñu Indonézia.  La’ós ne’e de’it, variante delta ne’e mós komesa provoka no hamosu  variante foun ho naran “delta plus” ne’ebé hamosu ona preokupasaun boot ba peritu-sira iha saúde  nian iha mundu.

“Ita hotu akompaña   variante delta ne’e mosu perigu tebes, agora iha nasaun viziñu Indonézia Ha’u konfirma ona ho servisu saúde Munisípiu Covalima atu ami halo sensibilizasaun ba komunidade sira hela besik iha fronteira terrestre,” Administradór Munisípiu Covalima Francisco de Andrade, informa ba jornalista iha Administrasaun Munisípiu Covalima, tersa ne’e.

Autoridade sira Covalima nian mós prepara ona senáriu balun no estratéjiku atu hola desizaun bainhira situasaun propagasaun COVID-19 ho variante delta ne’e nakda’et mai hodi fó perigu ba povu nia vida.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here