Sekretária Meza Parlamentu Nasionál, Deputada Lídia Norberta dos Santos Martins,

DILI, 02 jullu 02 2021 (TATOLI)—Reprezentante povu iha uma fukun Parlamentu Nasionál sei diskute no aprova iha faze jeneralidade kona-ba proposta-lei enkuadramentu orsamentu jerál estadu no jestaun finanseira públika iha semana oin.

“Iha segunda-feira (semana oin) Parlamentu Nasionál sei halo diskusaun no aprovasaun iha jeneralidade ba proposta-lei enkuadramentu orsamentál no jestaun finanseira Estadu,” Sekretária Meza Parlamentu Nasionál, Deputada Lídia Norberta dos Santos Martins, ko’alia iha Parlamentu Nasionál, sesta ne’e.

Proposta-lei ne’e enkuadramentu foun ida ba Orsamentu Jerál Estadu no ba jestaun finanseira públika hodi substitui Lei númeru 13/2009, 21 fulan-outubru nian kona-ba Orsamentu no Jestaun Finanseira.

Diploma ne’e halo alterasaun ba rejime Orsamentu Jerál Estadu no jestaun finanseira públika nian atu nune’e aumenta klareza, estabilidade, fleksibilidade no transparénsia.

Alterasaun sira-ne’e mak hanesan definisaun no perímetru orsamentál, planeamentu ba programasaun orsamentál plurianuál adosaun orsamentasaun tuir programa rejime prorrogasaun lei Orsamentu Jerál Estadu nian, ba rejime ezekusaun duodesimál no ba melloria informasaun orsamentál ne’ebé prodús ona.

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here