Ministra Negósiu Estranjeiru no Kooperasaun (MNEK), adalgiza Albertina Xavier Reis Magno. Imajen Tatoli/Egas Cristovão.

DILI, 02 jullu 2021 (TATOLI)—Ministra Negósiu Estranjeiru no Kooperasaun (MNEK), Adalzija Albertina Xavier Reis Magno, hateten partisipasaun Timor-Leste nian iha simeira CPLP (Comunidade dos Países da Língua Portuguesa) iha Luanda-Angola ne’e sei aprova lema kona-ba kooperasaun ekonómiku no mobilidade.

Notísia Relevante: PR nomeia José Reis hanesan enviadu estraordináriu ba simeira CPLP

“Timor-Leste nia partisipasaun iha simeira CPLP ne’e sei aprova kona-ba lema foun hosi Prezidénsia Ángola nian liu-liu sei foku ba asuntu ekonómiku ne’ebé mak sei haree ba kooperasaun ekonomia nian nomós ita sei aprova kona-ba mobilidade nian. Ida-ne’e mak tópiku importante ne’ebé mak Timor-Leste sei partisipa hodi aprova,” Ministra hateten ba jornalista sira, hafoin hala’o enkontru ho Prezidente Repúblika, Francisco Guterres L’u Olo, iha Palásiu Prezidensiál Nicolau Lobato, Bairru Pite, Dili, sesta ne’e.

Ministra ne’e hateten, pozisaun Timor-Leste nian atu deklara iha simeria CPLP ne’e sei deklara ba públiku iha semana oin.

Ekipa Timor-Leste sei dezloka ba partisipa simeira CPLP (Comunidade dos Países da Língua Portuguesa) iha Luanda-Angola, iha tersa (06 juñu 2021) semana oin.

Simeira CPLP ne’e sei hala’o iha loron 17-18 jullu 2021, nu’udar momentu ida atu Timor-Leste tomada posse ba Zacarias Albano hanesan Sekretáriu Ezekutivu CPLP durante periodu 2021-2023.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here