Polísia blokeia totál movimentu iha Postu Administrativu Zumalai, Covalima bainhira mosu kazu Covid-19 iha Covalima. Imajen Tatoli/Dok

COVALIMA, 02 jullu 2021 (TATIOLI) – Sentru Integradu Jestaun Krize (SIJK) Munisípiu Covalima, sesta ne’e, retira ona sira-nia ezisténsia.

Notísia Relevante : Abitante Covalima ‘livre’ mai Dili

Refere ba ne’e, Administradór Munisípiu Covalima Francisco de Andrade ho entidade tomak iha Covalima nian halo serimónia retira ezisténsia SIJK iha salaun Administrasaun Munisípiu Covalima no halo mós despedida ho Komandante SIJK, Kapitaun Xisto da Cruz.

Komandante Sentru Integradu Jestaun Krize (SIJK) Covalima, Kapitaun Xisto da Cruz informa , ezisténsia SIJK fó apoiu pesoál saúde no koordena ho autoridade Munisípiu to’o iha aldeia hodi luta kombate Covid-19 no ohin hotu-hotu hamutuk iha serimónia retirada ba SIJK Munisípiu Covalima nian.

Kapitaun Xisto da Cruz hateten, komunidade Covalima la rejista óbitu Covid-19 tanba disiplina hodi kumpre regra sira hotu no kontribui tebe-tebes luta hamutuk kontra inimigu invizivel ne’e.

Biban ne’e, Administradór Munisípiu Covalima Francisco de Andrade, liuhosi nia diskursu hateten agradese tebes ba  Kapitaun Xisto da Cruz ne’ebé kontribui tebes hamutuk ho komunidade no autoridade sira iha Covalima hodi luta kontra Covid-19.

Nia dehan, mezmu Kapitaun Xisto da Cruz fila ba Dili tanba tenke asume servisu Estadu nian seluk tan, maibé sira-nia parte iha Covalima kontinua halo Konsensializasaun atu komunidade prevene an hosi propagasaun Covid-19 liuhosi kumpre ba regra saúde publika.

Jornalista : Celestina Teles

Editór     : Francisco Simões

HAKEREK NO HATÁN

Please enter your comment!
Please enter your name here