Fronteira terrestre Batugade. Imajen TATOLI/António Gonçalves.

DILI, 01 jullu 2021 (TATOLI)–Vise-Ministru Interiór, António Armindo, no Xefe Misaun Organizasaun Internasionál ba Migrasaun (IOM, sigla inglés) iha Timor-Leste, Ihma Shareef, halo aprezentasaun ida iha Konsellu Ministru (KM) kona-ba sistema informasaun jestaun no analiza dadus servisu migrasaun (MIDASMigration Information and Data Analysis System).

“Sistema informasaun jestaun fronteira ida-ne’e dezenvolve hosi OIM, ne’ebé permite kolleta, prosesa, armazena no analiza informasaun hosi viajante sira iha tempu reál, inklui permite monitoriza ho efikásia boot tama no sai iha territóriu,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu iha Palásiu Governu, kinta ne’e.

Notísia relevante: MI sei estabelese sistema integradu hodi hadi’a servisu migrasaun

MIDAS nu’udar sistema ida ho alta kualidade, tanba ne’e fasil atu uza no implementa iha país 29 hosi kontinente afrikanu, aziátiku no amerikanu.

OIM garante katak Governu sira iha propriedade totál no eskluziva ba dadus hotu ne’ebé grava hosi MIDAS.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here