Traballadór sira iha aeroportu hatún hela doasaun vasina AstraZeneca hosi Governu Australia bainhira to’o iha aeroportu internasionál Nicolau Lobato, Dili, 30 juñu 2021.Imajen Tatoli/Antonio Goncalves

DILI, 01 jullu 2021 (TATOLI)-Diretór Servisu Sentru Saúde Lautem, Bernardo Amaral Lopes informa, Servisu Autónomu no Medikamentu Saúde (SAMES) lori tan vasina AstraZeneca vial 450 ba Munisípiu Lautem.

Notísia Relevante : Covalima simu tan AstraZeneca vial 7.000

“Hafoin ami submete relatóriu semana kotuk, ohin SAMES haruka tan vasina AstraZeneca vial 450 mai Lautem,” Bernardo Amaral Lopes informa ba Agência Tatoli liuhosi telefónika, kinta ne’e.

Nia hatutan, vasina ne’ebé nasionál lori tan ba ne’e hahú aban sei distribui ba Postu Administrativu sira nune’e pesoál saúde-sira kontinua fali fó vasina ba komunidade.

Nia haktuir, alvu ne’ebé atu simu vasina ne’e hamutuk 8.283 iha Lautem ne’ebé hosi númeru ne’e metade simu ona ne’ebé vasina agora ba ne’e sei kompleta ba alvu inklui mós ba komunidade voluntáriu hahú hosi tinan 18 ba leten.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here