Adjuntu Komisariu CAC ba Asuntu Prevensaun no Sensibilizasaun, Luis de Oliveira Sampaio. Imajen Tatoli/Egas Cristovão.

DILI, 01 jullu 2021 (TATOLI)—Komisaun Anti Korrupsaun (CAC sígla portugés), koordena ona ho Ministériu Solidariedade Sosiál no Inkluzaun (MSSI), atu verifika benefesiáriu la elizível, ne’ebé seidauk devolve subsídiu $200, hodi prosesa tuir dalan legál.

Adjuntu Komisáriu ba Asuntu Prevensaun no Sensibilizasaun, Luis Oliveira Sampaio, hateten  verifikasaun tanba prazu ba prosesu atu entrega, termina ona iha loron 30 fulan juñu.

Notísia relevante:CAC sei prosesa benefisiáriu ne’ebé seidauk devolve subsídiu $200

“Prazu ne’ebé ita fó-sai termina ona no sei halo koordenasaun ho MSSI atu rekolla fila-fali dadus hodi identifika ida ne’ebé seidauk devolve sei hahú prosesa,’’ Luis Oliveira Sampaio, hateten ba jornalista jornalista Agência Tatoli, kinta ne’e.

Tuir dadus hosi CAC, to’o iha 22 juñu iha benefisiáriu 73 mak voluntáriu devolve ona subsídiu $200 liu hosi Banku Nasionál Komérsiu Timor-Leste (BNCTL, ségla portugés).

Iha fatin hanesan, Xefe Suku Comoro, Eurico da Costa, hateten iha suku ne’e identifika benefisíariu na’in 30 mak la elizível, tanba ema hirak-ne’e nu’udár funsionáriu ho saláriu liu $500, simu ona susbsídiu $200 nune’e sira rasik bainhira rona  informasaun hosi MSSI  ho voluntáriu devolve ona.

Iha 05 agostu 2020, ekipa konjunta ne’ebé kompostu hosi CAC, Provedoria Direitu Umanu no Justisa (PDHJ sígla portugés), Inspesaun Jerál Estadu (IJE), no Komisaun Funsaun Públika (CFP sígla portugés), fó-sai rezultadu monitorizasaun katak, benefisiáriu hamutuk 148 ho totál osan hamutuk  $29.600, ne’ebé simu ona subsídiu agregadu familiár hosi Governu no tenke devolvidu tanba la prinxe kritéira.

Kritéria ne’e hatuur iha Dekretu lei apoiu monitáriu ba agregadu familiár tuir lei númeru 15/2020 ka funsionáriu ne’ebé serbisu iha instituisaun públiku no privada, emprezáriu ka benefisiáriu sira-seluk hosi eskema espesiál ho saláriu liu $500.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here