ESTV, Becora, Dili. Imajen Google

DILI, 30 juñu 2021 (TATOLI) – Profesór na’in-neen (6) iha eskola Ensinu Sekundáriu Tékniku Vokasionál  (ESTV) 28 novembru, Becora, Dili, seidauk bele simu vasina tanba sira nia kondisaun saúde seidauk permite.

Notísia Relevante : MEDJ sei transforma ESJ no ESTV balun sai eskola referénsia

Eskola ESTV Becora ne’ebé lidera hosi diretór Pedro da Silva Ximenes ne’e, iha profesór na’in-42. Ho nune’e, profesór na’in-24 simu ona vasina no na’in-24, inklui ona sira-na’in-neen ne’e seidauk simu vasina.

“Ami nia profesór na’in-24 no na’in-24 seidauk simu vasina, hamutuk ona ho sira na’in-neen ne’ebé aprezenta la bele vasina tanba moras,” diretór Eskola ESTV 28 novembru, Becora, Pedro da Silva Ximenes, informa ba Agência Tatoli iha nia serbisu fatin, kuarta ne’e.

Eskola ESTV 28 novembru hahú halo ona limpeza hodi prepara kondisaun ba aula prejensiál bainhira Governu bele rea-tia fali ensinu aprendizajen prejensiál.

“Ami hein bainhira eskola re-ativa ona mak ami  hamutuk ho estudante-sira bele halo liután limpeza. Agora ami halo limpeza metade de’it,” nia hateten.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here