Jogadór xadrez juniór timoroan na’in-rua, Sonizia Arteveti no Zezinho Moniz Tolentino V. Tilman ne’ebé partisipa iha Asian Juniór and Girls Championship 2018, iha Ulan Bator, Mongolia. Imajen Tatoli/ Rafy Belo

DILI, 30 juñu 2021 (TATOLI) – Prezidente Federasaun Xadres Defisiente Timor-Leste (FXDTL), Inocêncio Ximenes, hateten daudaun ne’e federasaun seidauk iha planu hala’o treinamentu ba atleta sira tanba pandemia Covid-19.

Notísia Relevante : FXTL Entrega Sertifikadu ba Jogadór Xadrez Juniór Sonizia ho Zezinho

“Agora ami seidauk iha planu atu hala’o treinamentu, tanba ami nia atleta sira balu iha Dili no balu iha munisipiu. Ami labele halibur-malu hodi hala’o treinu, maibé tempu besik ami estrutura federasaun tuur hamutuk hodi halo planu,” Inocêncio Ximenes hateten ba Agência Tatoli iha Jináziu Dili, kuarta ne’e.

Nia dehan, hanesan sidadaun prontu kumpre regra hotu Estadu fó sai, bainhira anunsia bele re-ativa atividade desportu hotu foin mak hala’o fali atividade sira-ne’e.

“Ha’u fó sai ona ba membru sira no atleta sira tenke ba vasina atu bele hala’o fali atividade, maibé fila ba ema ida-idak nia an,” nia hateten.

FXDTL iha atleta hamutuk 30-resin no sei  estabelese asosiasaun iha munisípiu hotu, atu nune’e, bele buka atleta defisiente sira ne’ebé iha talentu di’ak bele partisipa.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here