Nain ba klube FC Maudoko, Taquino Soares. Imajen Tatoli/Hortencio Sanchez

DILI, 30 juñu 2021 (TATOLI) – Nain ba klube FC Maudoko, Taquino Soares, hateten ekipa Maudoko prontu kompete iha jogu tuir oráriu hosi Federasaun Futeból Timor-Leste (FFTL).

Notísia Relevante : Kalendáriu kopa FFTL aprovadu, agostu abertura jogu

Tuir oráriu ne’ebé deside ona hosi FFTL katak iha fulan agostu, tinan ne’e, sei realiza atividade Kopa FFTL.

“Ami Maudoko iha ekipa rua; feto ida no mane ida. Ekipa feto iha Liga Feto Timor-Leste no mane iha Pra Liga Futsal, sira komesa treinu dala-rua ona ne’e futsal nian, maibé kona-ba feto ami sei hein konfirmasaun hosi FFTL,” Taquino Soares, hateten ba Agência Tatoli iha nia rezidénsia Delta-I Dili, kuarta ne’e.

Nia dehan, ekipa futsal Maudoko jogadór hamutuk na’in-24 hosi númeru ne’e na’in-20 mak simu ona vasina. Enkuantu feminina maioria idade sei ki’ik no seidauk bele simu vasina.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here