Pesoál saúde prepara hela vasina Sinovac. Imajen TATOLI/Francisco Sony

DILI, 30 juñu 2021 (TATOLI)-Responsavel vasinasaun Sentru Saúde Postu Administrativu Ataúro, Munisípiu Dili, Alcira Rodrigue Caldeira, informa abitane hamutuk 3.257 iha Ataúro simu ona vasina AstraZeneca ho Sinovac.

Notísia Relevante : Abitante 5.496 iha Manatuto simu ona vasina AstraZeneca

“Ita halo lansamentu vasina AstraZeneca iha loron 21 juñu 2021, hafoin ida-ne’e nasionál haruka tan vasina Sinovac mai ne’ebé to’o agora komunidade hamutuk 3.257 simu ona vasina,” Alcina Rodrigues Caldeira informa ba Agência Tatoli liuhosi telefónika, kuarta ne’e.

Nia hatutan, komunidade 3.257 simu vasina AstraZeneca no na’in-300 simu vasina Sinovac.

Alvu Ataúro nian ba komunidade atu simu vasina ba doze dahuluk nian ne’e hamutuk 7.000 maibé daudaun sira foin atinje 3.257 tanba difikuldade iha komunidade sei ta’uk atu simu vasina tanba fiar ba informasaun hoax.

Nia hatutan, komunidade ne’ebé daudaun simu ona vasina n ba AstraZeneca haree uluk liubá sira ne’ebé moras króniku no idózus-sira no ba vasina Sinovac ba sira ne’ebé estudante, profesór no ema sira ne’ebé livre hosi moras.

Jornalista       : Arminda Fonseca  

Editór             : Francisco Simões

HAKEREK NO HATÁN

Please enter your comment!
Please enter your name here