Imajen MEJD

DILI, 29 juñu 2021 (TATOLI) – Sentru Komunitária Manufahi (SKM), daudaun ne’e, akumula estudante 224 iha programa ensinu rekorrente. Programa ne’e atu apoiu estudante abandona eskola, inklui maluk defisiénsia matan no tilun sira hodi hetan sertifikadu formál.

Diretór Servisu Edukasaun Munisípiu Manufahi, Trinito Sarmento, hateten programa ensinu rekorrente ne’e di’ak tanba bele fasilita maluk sira ne’ebé lakon sira-nia eskola no fó mós oportunidade bá maluk defisiénsia-sira iha edukasaun naun formál hodi hetan sertifikadu formál nivel ensinu báziku.

“Ami iha estudante defisiénsia matan no tilun hamutuk 21 no estudante abandona eskola hamutuk 203. Ami-nia estudante sira ne’e involve an iha programa ensinu rekorrente ne’e hodi hetan sertifikadu atu kontinua fali sira nia eskola formál,” Trinito Sarmento informa ba Agência Tatoli iha Ministériu Edukasaun Juventude no Desportu (MEJD), Vila Verde, Dili,  tersa ne’e.

Nia afirma estudante sira ne’e maioria hosi Munisípiu Manufahi. Estudante abandona eskola sira antes ne’e deside husik edukasaun formál tanba laiha apoiu finansiamentu hosi família. Maibé ho programa ensinu rekorrente ne’e iha ona 203 mak filafali mai eskola tanba hakarak hetan sertifikadu formál hosi edukasaun.

Jornalista : Tomé Amado

Editór        : Francisco Simões

 

HAKEREK NO HATÁN

Please enter your comment!
Please enter your name here