Ilustrasaun ekipamentu laboratóriu. Imajen/Espesiál

DILI, 29 juñu 2021 (TATOLI)Inspetór Jerál Autoridade Inspesaun no Fiskalizasaun Atividade Ekonómika Sanitária no Alimentar (AIFAESA) Ernesto Monteiro, hateten, autoridade daudaun ne’e tanba seidauk iha laboratóriu própriu, maka presiza kolabora ho Ministériu Saúde (MS) hodi halo teste ba kualidade ai-han.

“Tuir loloos serbisu kontrolu ai-han ne’e AIFAESA nian knaar, maibé tanba ita seidauk iha laboratóriu, entaun ita kolabora ho Ministériu Saúde atubele uza laboratóriu nasionál hodi halo teste ba kualidade ai-han, tanba se la’e ema halo keixa ba kualidade ai-han, AIFAESA labele halo tanba laiha laboratóriu,” Inspetór Jerál informa ba Agência TATOLI, via telefónika, tersa ne’e.

Aleinde ne’e, iha serbisu kontrolu kuakidade ai-han, AIFAESA kolabora mós ho Ministériu Turizmu Komérsiu Indústria (MTKI) no Ministériu Agrikultura no Peska (MAP).

Antes ne’e, Governu harii ona laboratóriu própriu ba autoridade iha Tibar atu kontrolu kualidade ai-han desde 2011, maibé to’o agora seidauk iha ekipamentu.

AIFAESA halo misaun proteje konsumidór no konkorénsia leál entre operadór ekonómiku atu kumpre lejizlasaun sira ne’ebé regula atividade ekonómika.

Jornalista : Natalino Costa

Editora      : Julia Chatarina

HAKEREK NO HATÁN

Please enter your comment!
Please enter your name here