Empreza Borala apoia nesesidade bázika ba pasiente pozitivu COVID-19 iha izolamentu Munisípiu Viqueque. Imajen Tatoli/Vitorino Lopes da Costa

VIQUEQUE, 29 juñu 2021 (TATOLI)-Empreza lokál Borala, hola inisiativa apoia nesesidade bázika ba pasiente pozitivu  COVID-19 iha izolamentu Polo-UNTL, Munisípiu Viqueque.

Jerente Borala, Florêncio Armindo da Costa, hafoin entrega nesesidade bázika ba pesoál saúde hateten, apoiu ne’e hanesan inisiativa hodi halo karidade ba pasiente-sira ho mós pesoál saúde sira ne’ebé halo atendimentu iha sala izolamentu.

Sasán-sira ne’ebé Borala oferese maka hanesan água kaixa 10, sabaun, biskoit, rinso no sabaun.

Iha fatin hanesan Xefe Sentru Saúde Munisípiu Viqueque Vila, Celestina da Costa Alves, hato’o agradese ba empreza Borala ne’ebé hakarak tulun nesesidade bázika ba pasiénte COVID-19 iha izolamentu.

“Durante ne’e, pasiente sira iha izolamentu governu kontratu ho kompañia sira hodi fornese ai-han ba pasiente sira, maibé lataka dalan mós ba emprezáriu-sira iha Munisípiu Viqueque ne’ebé sente iha kbiit natoon hakarak fó apoiu,” Celestina da Costa Alves hateten.

Daudaun ne’e pasiente pozitivu COVID-19 iha izolamentu Polo-UNTL hamutuk na’in-24, iha rezidénsia administradór Munisípiu Viqueque na’in-hitu (7).

Jornalista       : Vitorino Lopes da Costa
Editór             : Francisco Simões

HAKEREK NO HATÁN

Please enter your comment!
Please enter your name here