Diretór BTL.EP Munisípiu Viqueque, Marito da Costa. Imajen Tatoli/Vitorino Lopes da Costa

VIQUEQUE, 29 juñu 2021 (TATOLI)-Diretór Bee Timor-Leste, Empreza Públika (BTL,EP)  Munisípiu Viqueque, Marito da Costa, informa populasaun Viqueque 73% maka asesu ona bee-moos.

“Komunidade balun mak seidauk asesu tanba ligasaun bee-moos seidauk to’o ba sira ne’ebé hela liu iha área remotas sira,” Marito da Costa informa ba Agência Tatoli iha edifísiu BTL.EP Viqueque, tersa ne’e.

Ein-jerál iha munisípiu Viqueque vila, postu Uatucarbau, Uatulari, Ossu no postu Lacluta, mós asesu ona bee-moos, maibé suku balun ne’ebé dook hosi vila mak seidauk asesu ba bee-moos.

“Iha postu Ossu, suku Waibobo mak seidauk asesu tanba sira dook tebes hosi villa, postu Uatulari iha aldeia balun ne’ebé lokaliza iha knua antigu sira moris bá. Entaun ida ne’e mak ita sei haree,” Marito da Costa hateten.

Funsionáriu atuál BTL,EP Munisípiu Viqueque hamutuk na’in-19, destaka iha postu Viqueque Vila ema na’in-rua (2), Ossu ema na’in-rua (2), Uatulari na’in-ida (1), Uatucarbau na’in-ida (1) no postu Lacluta mak laiha funsionáriu destakadu.

Jornalista       : Vitorino Lopes da Costa
Editór             : Francisco Simões