pontu vokál SEII Munisípiu Viqueque Salvadór Ximenes. Imajen Tatoli/Vitorino Lopes da Costa

VIQUEQUE, 28 juñu 2021 (TATOLI)-Pontu vokál Sekretaria Estadu Igualdade no Inkluzaun (SEII) iha Munisípiu Viqueque sei halo sensibilizasaun Lei Violénsia Doméstika ba komunidade ho estudante-sira iha Viqueque.

Notísia Relevante : Kazu insestu, feen ko’a la’en nia ‘fatin lulik’

“Ami servisu hamutuk ho parseiru lubuk ida. atu servisu ba asisténsia igualdade jéneru, ami iha ona planu halo sosializasaun   ba  lei  violénsia doméstika,” pontu vokál SEII Munisípiu Viqueque Salvadór Ximenes informa ba Agência Tatoli iha Viqueque, segunda ne’e.

Durante ne’e SEII servisu asisténsia ba vítima feto no labarik sira hamutuk ho  organizasaun naun governmental (ONG) no liña ministeriál sira iha Munisípiu Viqueque.

“Hanesan kazu sexual ne’ebé akontese iha Lacluta, ami mós foin lalais rekolla informasaun hotu to’o ami haree katak informasaun klaru ona sira mós hato’o ona iha polísia,” nia hateten.

SEII nafatin halo planu hodi sosializa ba inan-feton sira hotu kazu sira ne’e labele akontese tanba kazu ida akontese iha Suku Uma Tolu, Postu Lacluta komete kazu insestu  no violénsia doméstika ne’ebé mak feen halo ba la’en hodi koa tiha la’en nia fatin lulik.

Nia  afirma, liuhosi sensibilizasaun lei violénsia doméstika hodi komunidade no estudante  sira bele evita husi violénsia  no problema sosiál iha munisípiu Viqueque.

Dadus kazu  estatístika SEII  iha Munisípiu Viqueque  rejista hosi janeiru to’o dezembru  2020 mak  hanesan, kazu ofensa simples konjuga ho violénsia doméstika hamutuk  69,  aktu sexual ho adolexente kazu ida (1),  ezibisionizmu sexual kazu haat (4),  abuzu sexual ba menór idade rejista kazu lima (5),   kazu ofensa simples ba menór idade rejista kazu lima (5), koasaun sexual rejista kazu ida (1),   kazu pornografia infantíl rejista kazu ida (1) no   insestu sexual rejista kazu ida (1), totál kazu 87.

Jornalista : Vitorino Lopes da Costa

Editór      : Francisco Simões

 

HAKEREK NO HATÁN

Please enter your comment!
Please enter your name here