Diretór Nasionál Empregu Exteriór SEFOPE, Filomeno Soares. Imajen TATOLI/Francisco Sony

DILI, 28 juñu 2021 (TATOLI)— Sekretaria Estadu Formasaun Profisionál no Empregu (SEFOPE) kontinua komunika ho Ministériu Justisa (MJ) no Ministériu Negósiu Estranjeiru no Kooperasaun (MNEK) atu buka solusaun ba traballadór timor-oan na’in-50 ne’ebé pasaporte mate ona iha rai-li’ur.

“Sira ne’ebé pasaporte mate, daudaun ita kontinua halo komunikasaun ho MNEK tanba ita hatene katak daudaun iha tempu COVID-19,  ita labele halo mobilisaun bá-mai hosi nasaun ida bá nasaun seluk, entaun reprezentante nasaun iha ne’ebá hanesan Embaixadór sira mak bele kria mekanizmu atu ajuda, nune’e bele fó nota ruma ba traballadór no bainhira fila mai Timór bele trata dokumentu,” Diretór  Nasionál Empregu Exteriór hosi SEFOPE, Filomeno Soares, informa iha SENAE Becora, segunda ne’e.

Tuir Diretór, daudaun ne’e traballadór hirak ne’e kontinua halo serbisu normál iha Korea Súl.

“Kada tinan ita sempre haruka funsionáriu balun bá, maibé kazu ne’e SEFOPE hamutuk ho Ministériu Justisa  atu ba extende sira-nia pasaporte, maibé agora tanba situasaun atuál, ita hamutuk ho MNEK no Embaixadór sira iha ne’ebá atu buka solusaun no ajuda sira trata dokumentu,” nia akresenta.

Jornalista : Natalino Costa

Editora    : Julia Chatarina

HAKEREK NO HATÁN

Please enter your comment!
Please enter your name here