Diretór Ezekutivu FONGTIL, Daniel Santos do Carmo. Imajen Tatoli/Francisco Sony

DILI, 28 juñu 2021 (TATOLI)-Diretór Ezekutivu Forum Organizasaun Naun Governamentál Timor-Leste (FONGTIL), Daniel Santos do Carmo, hateten evita  variasaun foun hosi COVID-19  tama Timor-Leste, maka Governu presiza hasa’e ritmu operasaun seguransa iha fronteira terrestre Covalima no Bobonaro.

“Ita iha dala rua de’it mak bele rezolve mak hasa’e kontrola terrestre liuliu baliza Salele no Batugade-Motain no Postu sira ne’ebé ema tama sai pasajen ilegál ne’e, agora atu haforsa iha fatin ne’ebá ne’e ita-nia Governu tenke haree ekipa konjunta hosi FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL) hasa’e ninia ritmu operasaun,” Daniel Santos do Carmo, hateten liuhosi konferénsia imprensa  iha Salaun FONGTIL, Caicoli, Dili, segunda ne’e.

Nia hatutan, seguransa iha fronteira tenke metin no halo pasajen ba ema ilegál tuir lei ne’ebé vigora ona tanba esperiénsia ne’ebé hotu-hotu hatene katak daudaun COVID-19 buras iha Timor-Leste tanba de’it hahalok hosi ema ilegál ne’ebé tama-sai iha Suai -Covalima.

Nia dehan, atu kombate ba variasaun foun ne’e presiza sidadaun hotu simu vasina AstraZeneca maibé realidade agora Ministériu Saúde nian, haree ema barak hakarak simu vasina, maibé vasina mak la to’o no kartaun vasina nian de’it mós laiha.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here