Médiku Jerál Destakadu iha Postu Saúde Tumin, Lucia da Costa Soares. Imajen Tatoli/Abilio Elo Nini.

OÉ-CUSSE, 28 juñu 2021 (TATOLI)—Médiku Jerál Destakadu iha Postu Saúde Tumin, Lucia da Costa Soares, informa iha fulan-abríl to’o maiu tinan ne’e postu saúde Tumin, suku Bobometo, sub-rejiaun Oésilo, rejista moras Tuberculose (TBC) hamutuk 13.

Notísia Relevante: OMS adota pilár tolu kombate TBC iha TL

“Iha postu saúde Tumin ne’e, ami rejistu moras da’et TBC ne’e hosi janeiru to’o marsu laiha maibé hosi abríl to’o maiu mak foin ami rejistu na’in-13. Tinan ida ne’e ladún, tinan kotuk mak TBC nia numeru sa’e iha ne’e,” Lucia da Costa Soares informa ba Agência TATOLI, segunda ne’e

Médiku ne’e fundamenta, kauza prinsipál hosi moras TBC ne’e mak mycobacterium Tuberculosis ne’ebé dala barak afeta ba pulmaun, nia fatór primeiru kona-bá alimentasaun má-nutrisaun hahan loro-loron nian hosi família, tanba iha postu saúde ne’e komunidade barak mak lulik naan ne’ebé nakonu ho nutrisaun di’ak hanesan ikan no naan manu.

Fatór daruak mak komunidade seidauk iha koñesimentu atu halo prevensaun hosi pasiente ne’ebé sofre ona moras TBC ho tratamentu ida-ne’ebé sedauk hetan, ezemplu família ida hetan TBC karik família persiza hafahe hahan fatin hanesan bikan, kanuru no seluk-tan. Depois movimenta ba mai, persiza uza máskara atu prevene-aan hosi fani no mear labele hada’et ba família seluk

Moras IRA 287

Aleinde moras TBC, nia hatutan, hahú hosi janeiru-juñu ne’e postu saúde Tumin rejista mós moras Infesaun Respiratariu Aguda (IRA/ISP) hamutuk 287

“Iha postu saúde ne’e, iha moras seluk mós ami rejistu mak moras IRA hamutuk 287. Tempu bailoron rai rahun no anin boot entaun moras IRA mós afeta ba komunidade no hetan númeru barak,” Lucia da Costa Soares hateten.

Kazu prinsipál hosi moras IRA ne’e, primeiru situasaun iklima tanba iha tempu bailoron ne’e rai-rahun mós barak no bainhira tama iha sistema pulmaun bele prodús halo ita me’ar araska no fani, inus been no isin manas.

“Moras IRA ne’e afeta bae ma hotu, tantu ferik-katuas inklui labarik sira,” nia dehan.

Notísia relevante: Janeiru-juñu: moras IRA aas iha Sentru Saúde Pasabe

Jornalista : Abilio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here