Ofisiál hosi PAX, dezinfekta karreta Parlamentu Nasionál iha resintu PN hodi prevene COVID-19, (09/03/2021). Imajen Tatoli/António Gonçalves.

DILI, 26 juñu 2021 (TATOLI) –Sentru Integradu Jestaun Krize (CIGI-sigla portugés), sábadu ne’e, liuhosi komunikadu imprensa, relata katak kazu pozitivu foun  COVID-19 ne’ebé rejistu hamutuk 67 no rekuperadu 122, ho nune’e, kazu ativu 812 no total komulativu kazu konfirmadu 8979.

Notísia Relevante : COVID-19, rekoperadu 55 no ativu 868

Hosi númeru ne’e kazu pozitivu 67; Munisípiu Dili rejistu kazu pozitivu 48 no munisípiu seluk hamutuk 19.

Update dadus SIJK

Kazu óbitu ba loron ohin ho Covid-19  feto ida idade 32 hela iha Suku Comoro, detetadu pozitivu iha 01 juñu no 05 juñu enkamiña hosi izolamentu Tasi-Tolu ba Vera Cruz ho diagnoze traballu síndroma insufisiénsia respiratóriu aguda (IRA) ka susar dada iis difisil tanba Covid-19.

Matebian hetan tratamentu tuir protokolu ne’ebé iha inklui tratamentu ho oksijéniu liuhosi non-rebreather amsk, maibé horseik loraik 17:25 Otl, iis kotu tanba respiratoric failure multiple órgaun failure. Tanba ne’e família koordena ona ho ekipa saúde atu  hala’o funerál tuir protokolu  ne’ebé adopta iha Timor-Leste no aban sei haloot iha Atsabe Ermera.

Sura ho óbitu ne’e, Timor-Leste rejistu hamutuk 21, hatudu katak taxa mortalidade kazu iha Timor-Leste hanesan ho 0,23% ida ne’e signifika iha kada 1000 kazu pozitivu ema na’in-rua (2) mak óbitu ka mate.

Hosi sesta-sábadu ne’e, hamutuk hotu laboratóriu nasionál halo teste PCR iha Dili 651 mak hanesan, vijilánsia sentinela 19, rastreiu ba kontaktu 6, rastreiu aleatóriu 20, viajen sai hosi serka sanitaria Munisípiu Dili 590, viajen internasionál 1 no follow-up iha kuarentena 15.

Total teste PCR ne’ebé hala’o, horiseik, iha munisípiu sira seluk, RAEOA no HNGV hamutuk 373 ho delle hanesan tuir mai; Baucau 81, Ermera 71, Maliana 14, Maubisse 46, RAEOA 26, Suai 43, Viqueque 48 no HNGV 44.

Totál vasina ne’ebé fó ona ba komunidade to’o ohin dadeer mak hanesan Dili, total kumulativu doze primeiru 108,688 (50,8%) , total kumulativu segundu doze 13, 940 (6,5%). Territóriu timor laran tomak kumulativu primeira doze 193,129 (25,6%), kumulativu segundu doze 25, 382 (3,4%).

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here