Komandante PNTL Munisípiu Covalima, Superintendente António Maria de Sá. Imajen Tatoli/Celestina Teles

COVALIMA, 25 juñu 2021 (TATOLI) – Komandu Polísia Nasionál Timor-Leste (PNTL) Munisípiu Covalima, simu ona relatóriu no preokupasaun veteranu Covalima nian kona-bá grupu balun ne’ebé tenta manobra benefisiáriu-sira ba pensaun veteranu nian hodi halo kobransa ilegál no promete fasilita trata dokumentu benefisiáriu sira-nian.

“PNTL la tolera grupu ilegál sira-ne’e. Ami simu ona relatóriu hosi Konsellu Veteranu Covalima no ami ezekuta atu buka autór-sira hotu iha grupu ne’e,” komandante PNTL Munisípiu  Covalima, Superintendente António Maria de Sá, informa ba jornalista-sira iha Covalima, sesta ne’e

Atu evita situasaun ne’e, Superintendente  Polísia António Maria de Sá, husu ba veteranu-sira no benefisiáriu sira ba pensaun veteranu ne’e uza meiu legal hodi halo konsultasaun. Katak, dokumentu saida de’it maka atu trata ba hetan pensaun ne’e di’ak liu ba diretamente Konsellu Veteranu Covalima nian.

“Organizasaun saida de’it labele bosok povu. Ami rona ami atua tuir lei,” António de Sá afirma.

Jornalista       : Celestina Teles 

Editór             : Francisco Simões

HAKEREK NO HATÁN

Please enter your comment!
Please enter your name here