Diretor PDHJ Delegadaun Teritorial RAEOA, Paulo Ribeiro. Imajen Tatoli/Abilio Elo Nini.

OÉ-CUSSE, 25 JUÑU 2021 (TATOLI)—Hahú hosi janeiru to’o maio 2021, Provedoria Direitu Umanu no Justisa (PDHJ, sigla postugés), Delegasaun Teritoriál Rejiaun Administrativa Espesiál Oé-Cusse Ambeno (RAEOA) simu keixa hosi komunidade no rejista kazu indikasaun violasaun direitu umanu haat (4) no indísiu violasaun prinsípiu boa-governasaun hamutuk tolu (3).

“Durante implementasaun estadu emerjensia, liu-liu iha tinan 2021, hosi janeiru to’o maiu ne’e, PDHJ delegasaun teritoriál RAEOA rejistu ona keixa (7). Kazu haat indikasaun violasaun direitu umanu no kazu tolu indísiu prinsipiu boa-governasaun,” Diretór PDHJ Delegasaun Teritoriál RAEOA, Paulo Ribeiro, informa ba Ajênsia TATOLI iha nia servisu fatin, bairru Santa Rosa, suku Costa, sub-rejiaun Pante Makasar, sesta ne’e

Bainhira ofisiál simu keixa sira-ne’e, rejistu kedas iha Komite Jestaun Keixa (KJK) hodi bele hetan númeru keixa ninian no bainhira hetan ona númeru keixa mak hafoin hasai karta notifikasaun ba keixa-na’in sira, ho nia durasaun bele hasai iha loron 10 nia laran no bele mós liu loron 10.

Hosi kazu hitu (7) ne’e, iha keixa tolu (3) mak to’o oras ne’e seidauk hetan ninia númeru keixa tanba liga ho sistema internet falla. Maibé prinsipálmente hosi totál keixa ne’e hotu, PDHJ manda ona ba Dirasaun Asisténsia Públika iha nasionál rejista, no iha keixa (3) mak manda liuhosi karta eletrónika (E-mail) tanba iha RAEOA seidauk asesu ba sistema SMS.

Tuir nia, keixa haat (4) seluk ne’e PDHJ hetan tiha ona ninia númeru keixa no agora rejistu ona iha Dirasaun Asisténsia Públika no agora iha ona prosesu. Maibé, nai dehan, ninia notifikasaun segundu mak seidauk hetan tanba estadu emerjénsia no notifikasaun segundu ne’e só Provedoria mak bele hasai.

Jornalista : Abilio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here