Komunidade Ainaro look bua-malus ba Vise-MI, António Armindo bainhira halo sensibilizasaun vasina kontra COVID-19 iha Suku Liurai, Postu Administrativu Maubise, Munisípiu Ainaro, kuarta (23/06). Imajen/Mídia MI

COVALIMA, 25 juñu 2021 (TATOLI) –Atu fó susesu ba programa nasionál vasina kontra COVID-19 tuir alvu Primeiru-Ministru, Taur Matan Ruak, katak to’o dezembru tenke atinje ona 80% populasaun simu vasina, maka daudaun ne’e, membru Governu sira tuun ona ba baze hodi sensibiliza vasina nasionál ne’e ba komunidade.

Vise-Ministru Interior, António Armindo, sesta ne’e, iha Covalima halo enkontru sensibilizasaun vasina kontra COVID-19 no orienta ona Komandu Polísia Nasionál Timor-Leste (PNTL) Munisípiu Covalima atu serbisu hamutuk ho autoridade lokál kontinua halo sensibilizasaun kona-bá  vasina  AstraZeneca hodi hasa’e povu nia imunidade iha luta kontra COVID-19

Membru PNTL  maioria maka vasina ona, inklui iha Covalima. Husu nafatin atu kumpre regra ne’ebé saúde públiku   no tenke serbisu hamutuk ho autoridade lokál fahe informasaun ba komunidade  kona-ba vantajen vasina AstraZeneca,” Vise-Ministru António Armindo, bainhira hala’o vizita iha Covalima..

Vise-Ministru António Armindo haklaken katak planu  no estratéjia halo diseminasaun ba vasinasaun  mai hosi  Vise-Primeira Ministra no aprova husi Primeiru-Ministru atu membru Governu ne’ebé  involve iha inter-ministerial  tun ba munisípiu hodi halo kompañia .

Komandante PNTL Munisípiu  Covalima Superintendente Antonio Maria de Sá, orgullu ho prezensa Vise-Ministru Interiór hodi tuun direita ba kolai ho populasaun n rona populasaun nia preokupasaun.

Jornalista       : Celestina Teles 

Editór             : Francisco Simões

HAKEREK NO HATÁN

Please enter your comment!
Please enter your name here