iklan

COVALIMA, MUNISÍPIU

Hakotu SS iha Covalima, PNTL agradese ba populasaun

Hakotu SS iha Covalima, PNTL agradese ba populasaun

Komandante PNTL Covalima, Superintendente António de Sá. Imajen Tatoli/Eugénio Pereira

COVALIMA, 25 juñu 2021  (TATOLI) -Komandu Polísia Nasionál Timor Leste (PNTL)  Munisípiu  Covalima hato’o apresiasaun no agradesimentu ba populasaun Covalima ne’ebé kontribui tebe-tebes ba luta kontra pandemia COVID-19 to’o hatudu rezultadu númeru kazu pozitivu menus ba beibeik no Governu rasik hakotu serka sanitária (SS) no konfinamentu domisiliáriu iha Covalima.

Notísia Relevante : Governu mantein Serka Sanitária iha Baucau-Dili no hakotu Bobonaro-Covalima

“Ho ita nia disiplina no kolaborasaun no ita nia domin ne’ebé boot ba ita-nia rai hodi hadomi ita nia saúde, ita hotu iha kompromisu hakotu korrente COVID-19 iha ita nia sosiedade,” Komandante Polísia Munisípiu Covalima, Superintendente António Maria de Sá, haktuir ba Agência Tatoli iha Covalima, sesta ne’e

Ho  populasaun nia kolaborasaun, disiplina, onestidade no laran luak, António de Sá hateten, kontribui boot ba dezenvolvimentu iha Covalima, liuliu iha luta foun kontra inimigu invizivel COVID-19.

Iha  loron 23 juñu liubá,  Konsellu Ministru (KM)  deside hakotu serka sanitária iha Munisípiu Covalima no Bobonaro no kontinua implementa serka sanitária (SS) iha Munisípiu Díli no Baucau

Jornalista       : Celestina Teles 

Editór             : Francisco Simões

iklan
iklan

Leave a Reply

iklan
error: Content is protected !!