Estrutura Asosiasaun Halibur Defisiénsia Matan Timor-Leste (AHDMTL) no ema defisiente matan hasai retratu hamutuk ho Espoza Prezidente Repúblik, Cidália Mouzinho Nobre Guterres, iha sede AHDMTL, kuarta (23/06). Imajen Tatoli/Nelia Fernandes.,

DILI24 juñu 2021 (TATOLI)—Jestór Programa Asosiasaun Halibur Defisiénsia Matan Timor-Leste (AHDMTL), Luciano Borges, hateten durante pandemia COVID-19 no Serka Sanitária AHDMTL fó apoiu umanitáriu ba komunidade hamutuk 634.

Jestór Programa Asosiasaun Halibur Defisiénsia Matan Timor-Leste (AHDMTL), Luciano Borges. Imajen Tatoli/Nelia Fernandes.

“Governu hahú implementa estadu emerjénsia 2020-2021, ami halo ona asaun karidade hodi fó apoiu umanitáriu ba komunidade hamutuk 634. Hosi númeru ne’e kompostu mós ho ema defisiente en jerál,” Luciano Borges ba Agência Tatoli, iha nia servisu fatin, Manleuana, Díli, ohin.

Nia dehan, iha estadu emerjénsia dahuluk (2020), AHDMTL halo asaun karidade hodi fó apoiu umanitáriu ba komunidade balun iha munisípiu Aileu, Baucau, Dili, Ermera no Manufahi.

Apoiu umanitária ne’e la hanesan tanba iha 2020, ADHMTL halo apoiu ba iha munisípiu lima (5) ho apoiu nesesidade bázika hanesan foos, mina tein, susu-been, sardina, no ekipamentu protesaun sira hanesan rinso, máskara, sabaun no balde.

Iha tinan 2021, AHDMTL apoiu nesesidade bázika ba suku hamutuk 14 tanbá ho situasaun serka sanitária no inundasaun ne’ebé akontese iha loron 04 abríl 2021, apoiu ne’ebé fó iha pakote ida hanesan bikan, kanuru, balde fase bikan, kopu, foos kilograma 25, mina, manu tolun no sasán ijiéne nian.

“Iha 2021, ami apoiu umanitária iha suku hamutuk 14 iha munisípiu Díli iha suku Manutelau, Wenunuk, no Sabuli, Bairru Pite, Camea, Comoro, Dare, Hera, Lahane, Madohi, Metagou, Manleuana, Tibar, no iha munisípiu Liquiça hanesan iha Lauhata,” nia dehan.

Apoiu umanitáriu ne’ebé AHDMTL halo ne’e, tanbá serbisu hamutuk ho Embaixada Nova Zelándia no Plan Internasionál.

Apoiu hosi Nova Zelándia tanbá fundu ne’e mai hosi Povu Nova Zelándia mak organiza fundu iha ne’ebá no fó mai iha Embaixádor Noza Zelándia iha Timor-Leste, Philip Hewitt, hamutuk rihun $14 resin.

Entretantu, fundu hosi Plan Internasionál hamutuk $2.000-resin, no apoiu fundu hirak ne’e fó direta ba AHDMTL hodi hola fila-fali ba sasán nessesidade báziku, hodi fó apoiu ba komunidade no ema kbiit laek sira-ne’ebé presiza tulun.

Estrutura Asosiasaun Halibur Defisiénsia Matan Timor-Leste (AHDMTL) no ema defisiente matan hasai retratu hamutuk ho Espoza Prezidente Repúblik, Cidália Mouzinho Nobre Guterres, iha sede AHDMTL, kuarta (23/06). Imajen Tatoli/Nelia Fernandes.,

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here