Xefe suku Costa, Aleixo Abi. Imajen Tatoli/Abilio Elo Nini.

OÉ-CUSSE, 24 JUÑU 2021 (TATOLI)—Xefe suku Costa, sub-rejiaun Pante Makasar Rejiaun Administrátiva Espesiál Oé-Cusse Ambeno (RAEOA), Aleixo Abi, informa distribuisaun cesta básika iha suku Costa ramata tiha ona maibé benefisiáriu uma kain 10 ho totál ema hamutuk na’in-33 iha aldeia Mahata mak seidauk simu cesta bázika.

Notísia Relevante:  Benefisiáriu 86,97% iha RAEOA simu ona cesta básika

“Iha suku Costa ne’e, benefisiáriu na’in-33 hosi uma kain 10 iha aldeia Mahata seidauk simu cesta bázika maibé benefisiáriu seluk hamutuk 17.535 ne’e simu ona cesta bázika,”  Aleixo Abi hateten ba Agência Tatoli iha sede suku Costa, bairru Masin, kinta ne’e.

Nia informa, hosi totál benefisiáriu 17.535 ne’ebé simu tiha ona cesta bázika ne’e, kompostu hosi aldeia lima (5) hanesan aldeia Sanane totál uma kain 2.723 ho populasaun hamutuk 11.400, Oésono totál uma kain 644 ho populasaun 2.600, Mahata totál uma kain 423 ho populasaun 1809, Oetfo totál uma kain 237 ho populasaun 1.045 no aldeia Lakufoan totál uma kain 174 populasaun 661.

Ho nune’e, nu’udar aotiridade lokál nia parte hato’o agradesimentu ba VIII Guvernu Konstitusionál tanba iha ámbitu pandemia COVID-19 no serka sanitaria ne’e komunidade sira bele simu cesta bázika hodi hatutan sira-nia moris atu moris,

“Ha’u nu’udár xefe suku Costa, ha’u agradese tebes ba VIII Guvernu Konstitusionál tanba ajuda komunidade sira. Ita tenke agradese tanba foin primeira vez Governu fahe hahan gratuita ba nia povu,” Aleixo Abi hateten.

Durante iha prosesu distribuisaun cesta bázika ne’e, atividade la’o seguru tanba servisu hamutuk ho parte seguran hanesan Operasaun Polísia Suku (OPS), lia-na’in no juventude sira suku refere hamutuk hodi asegura distribuisaun ne’e la’o di’ak. 

Jornalista : Abilio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here