Pra liga Futsal Timor-Leste. Imajen Tatoli/Antonio Goncalves

DILI, 24 juñu 2021 (TATOLI) – Adjuntu Sekretáriu Jerál Federasaun Futeból Timor – Leste (FFTL) hanesan mós konselleiru ba Asosiasaun Futeból Salaun  (Futsal) Timor – Leste (AFTL), Frederico Martins, informa jogu Pra Liga  Futsal sei realiza fali iha agostu nia laran.

Notísia Relevante : EE, suspende provizóriu Pra Liga Futsal TL

“Kalendáriu tentativa ami halo ona, ita haree Pra Liga Futsal ne’e paradu kleur tebes ona tanba pandemia global ne’e, agora Governu fó biban ona ba ita mak jogadór hotu tenke vasina no jogadór maioria mak vasina ona. Haree ba ida-ne’e mak kalendáriu tentativa ami halo ona agostu bele hahú ona jogu maibé kalendáriu ne’e sei hato’o ba ezekutivu FFTL sira haree,” Frederico Martins, informa ba Agência Tatoli iha edifísiu FFTL, Dili, kinta ne’e.

AFTL rekolla ona dadus hosi klube sira hatudu katak maioria jogadór mak koopera hodi simu ona vasina ba doze primeiru no hein de’it doze segundu. Tanba ne’e, fiar katak iha agostu jogadór sira 80% vasina ona.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here