Xefe Suku Loi Ulu, José Luis da Silva. Imajen Tatoli/Vitorino Lopes da Costa

VIQUEQUE, 23 juñu 2021 (TATOLI) – Laiha irrigasaun atu fasilita bee ba natar ho kintál-sira iha Suku Loi Ulu, halo komunidade agrikultura-sira abandona tiha de’it natar ho kintál-sira-ne’e  tinan 11 ona.

Notísia Relevante : Komunidade Loi Ulu husu Governu harii uma sentru saúde

Suku Loi Ulu, Postu Administrativu Uatucarbau, Munisípiu Viqueque, área rua maka iha potenia natar, hanesan Nubere Irabere ho total natar ektare 250 no Nahabo Wedasu iha natar ektare 13.

“Agora natar sira ne’e tinan 11 liu ona la halai tanba laiha irrigasaun,” Xefe Suku Loi Ulu, José Luis da Silva, informa ba Agência Tatoli iha Loi Ulu, tersa (22/06).

Ho situasaun natar sira la prodús hare no foos obriga  populasaun Suku Loi Ulu tenke konsume foos importasaun ne’ebé fa’an iha Merkadu Postu Uatucarbau no merkadu Munisípiu Viqueque.

“Ami halo proposta ba Governu sentrál, maibé mosu pandemia COVID-19 to’o agora ami seidauk rona rezultadu,” José Luis da Silva hateten.

Suku Lui Ulu iha abitante 1.100.47 no presiza tebes irrigasaun atu bele motiva populasaun halai fali natar no prodús ai-han lokál iha sira-nia kintál ne’ebé abandonadu tinan barak.

Jornalista       : Vitorino Lopes da Costa
Editór             : Francisco Simões

HAKEREK NO HATÁN

Please enter your comment!
Please enter your name here