Ministru Administrasaun Estatal (MAE), Miguel Pereira de Carvalho . Imajen/Media MAE.

VIQUEQUE, 22 juñu 2021 (TATOLI)- Ministru Administrasaun Estatál (MAE), Miguel Pereira de Carvalho, husu populasaun sira iha Viqueque atu partisipa simu iha programa vasina  hodi prevene-an hosi pandemia COVID-19.

Notísia Relevante : Estrada rurál iha Afaloicai ho Lui Ulu inauguradu

“Ita timor ne’e númeru kazu pozitivu kontinua aumenta iha Dili no ha’u dehan iha Munisípiu Viqueque mai postu Uatucarbau mós kazu pozitivu rejistu hotu. Imi labele fiar rumoris sira, dehan simu vasina laiha bei-oan ne’e sala, ne’ebé ha’u husu ba autoridade suku no aldeia sira tenke ko’alia ho komunidade sira ho di’ak para komunidade sira bele partisipa vasina hodi salva ita-nia vida,” Ministru Miguel Pereira de Carvalho, hateten liuhosi nia diskursu iha serimónia lansa fatuk inan ba projetu konstrusaun uma kbiit-laek iha Suku Loi Ulu, Postu Administrativu Uatucarbau, Munisípiu Viqueque, tersa (22/06).

Ministru Miguel hatutan, vasina mak sai alvu importante hodi satan netik propagasaun COVID-19 ne’ebé oin loron sei eziste hela.

“Vasina de’it mak bele sai hanesan arma ka kilat para ita kontra COVID-19). Ha’u la’ós doutór ida, maibé ha’u hatene katak vasina mak bele satan hodi ema labele mate barak ba moras COVID-19,” Ministru MAE Miguel de Carvalho.

Jornalista       : Vitorino Lopes da Costa
Editór             : Francisco Simões

HAKEREK NO HATÁN

Please enter your comment!
Please enter your name here