Ministru Eduksaun, Juventude no Desportu, Armindo Maia, simu vasina doze daruak (vasina kompletu) iha CCD, tersa (22/06/2021). Imajen Tatoli/Tomé Amado

DILI, 22 juñu 2021 (TATOLI) – Governu liuhosi Ministériu Edukasaun, Juventude no Desportu (MEJD) iha ona planu atu meadu  fulan jullu, tinan ne’e,  re-ativa hikas  eskola balun iha Munisípiu Dili inklui munisipiu seluk ne’ebé aplika hela serka sanitária.

Notísia Relevante : MEJD rekoñese estudante-sira sofre no lakon matéria

“Ami halo ona enkontru, ami sei haree preparasaun eskola ida-idak nian, kuandu iha ona kondisaun, meadu jullu, ami sei reativa eskola sira, maibé la’ós eskola hotu,” Ministru Edukasaun, Juventude no Desportu, Armindo Maia, hateten hodi responde jornalista sira iha Sentru Konvensaun Dili, tersa ne’e.

Nia aprofunda tan katak a molok atu re-ativa eskola, nia sei haree direita kondisaun eskola ida-idak ne’ebé mak prienxe ona rekizitu bele hetan lisensa hodi hala’o ona atividade ensinu aprendizajen aula prejensiál.

Rekizitu importante  ne’ebé eskola sira tenke kumpre maka profesór-sira, funsionáriu pesoál administrasaun ho estudante ne’ebé ho idade tinan 18 ba leten, inklui inan aman sira tenke simu hotu ona vasina.

Ministru Armindo Maia, argumenta katak durante ne’e eskola hotu iha territóriu Nasionál paradu tanba COVID-19. Sei komunidade edukativu sira hotu hakarak oferese an simu vasina prosesu ensinu aprendizajen mós sei loke lalais.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here