Xefi suku Bahu, postu Baucau Villa, munisípiu Baucau, Manuel Francisco Rodrigues Gusmão. Imajen TATOLI/Natalino Belo

BAUCAU, 21 juñu 2021 (TATOLI)–Xefe suku Bahu, postu admistrativu Baucau Villa, munisípiu Baucau, Manuel Francisco Rodrigues Gusmão, hateten, nia parte prontu kolabora ho institusaun relevante hanesan Banku Nasionál Komérsiu Timor-Leste (BCTL, sigla Portugés) no Institutu Nasionál Seguransa Sosiál (INSS) hodi realiza pagamentu idozu iha sede suku Bahu iha fulan ne’e.

“Kuandu pagamentu iha suku, prontu sede suku mak ne’e, komunidade nia fatin mak ne’e, faze preparasaun mak ha’u foin hetan informasaun hosi Admistradór postu, maibé BNCTL no parte sosiál seidauk mai halo koordenasaun,” Xefe suku Bahu informa ba Agência  TATOLI iha ninia knaar fatin, suku Bahu segunda ne’e.

Tuir kalendáriu ne’ebé lansa hosi BNCTL, pagamentu benefisiáriu iha munisípiu Baucau sei hahú iha postu Baucau villa, ne’ebé suku Bahu mak sai faze dahuluk pagamentu idozu ne’ebé sei realiza durante loron tolu, hahú hosi loron 23 to’o 25 juñu 2021.

Loron dahuluk sei halo pagamentu ba benefísiariu hamutuk 275, daruak 188 no ramata ho ema 199.

Suku ne’e ho totál idozu hamutuk 662, kompostu hosi aldeia Ana-ulo, Ro-ulo, Makadae, Boi-lé no Lamegua.

Jornalista : Natalino Belo

Editora     : Julia Chatarina

HAKEREK NO HATÁN

Please enter your comment!
Please enter your name here