Imajen Tatoli/Vitorino Lopes da Costa

VIQUEQUE, 21 juñu 2021 (TATOLI)-Uma-kain 50 iha Suku Uma Uain Leten, Postu Administrativu Viqueque Vila, Munisípiu Viqueque, seidauk asesu eletrisidade.

Notísia Relevante : PNTL distribui nesesidade bázika ba kbiit-laek uma-kain 15

“Iha ha’u-nia suku, totál uma-kain hamutuk 670, uma-kain 620 asesu ona ahi eletrisidade no uma-kain 50 mak to’o oras ne’e seidauk asesu ba eletrisidade,” Xefe Suku Uma Uain Leten, Martino Soares Gusmão, informa ba Agência Tatoli iha sede Suku Uma Uain Leten, segunda ne’e.

Abitante uma-kain 50 ne’ebé seidauk asesu eletrisidade ne’e hosi aldeia lima, hanesan Aldeia Bauain, Baria, Lia Lura, Ukalale ho Macaleco.

Komunidade Suku Uma Uain Leten mós preokupa ho  bee-moos, maske  iha 2012 Programa Dezenvolvimentu Munisipál (PDM) halo preparasaun bee-moos iha suku, maibé bee mak forsa laiha, nune’e aguenta sustenta de’it ba aldeia neen (6) no aldeia rua (2) seidauk asesu ba bee-moos.

“Ho preokupasaun sira ne’e hotu,  ami  esforsu hodi hato’o proposta ba Ministériu Obras Públiku (MOP) ami husu kona-ba eletrisidade nian ba uma-kain 50 ne’ebé seidauk asesu eletrisidade, maibé seidauk iha resposta. Bee-moos, ami halo proposta Bee Timor-Leste, Empreza Públiku (BTL,EP) munisípiu apoiu material liuhosi parseiru  ONG ADRA ne’ebé agora aldeia balun atu hetan bee-moos,” Martino Soares Gusmão informa.

Jornalista : Vitorino Lopes da Costa

Editór      : Francisco Simões

   

HAKEREK NO HATÁN

Please enter your comment!
Please enter your name here