Natar iha Atabae. Imajen TATOLI/António Gonçalves

DILI, 21 juñu 2021 (TATOLI)-Diretora Jerál Ministériu Agrikultura no Peska (MAP), Odete Maria do Ceu Guterres, informa, kada tinan ministériu sempre distribui fini hare ba agrikultór sira iha territóriu tomak hodi intensifika produsaun rai-laran.

“Tinan-tinan ita oferese fini hare tonelada 144 ba munisípiu 12 inklui Rejiaun Administrativa Espesiál Oé-cusse Ambeno (RAEOA),” Diretora informa ba Agência TATOLI, iha ninia knaar fatin, MAP Comoro, segunda ne’e.

Tuir nia, fini ne’e distribui hodi kuda iha natar hamutuk ektare 5.600 ne’ebé espalla iha rejiaun tomak.

Maski ita-nia área kultiva iha ektare 22.400, maibé Governu fó fini tuir kapasidade,” nia akresenta.

Aleinde ne’e, kada tinan MAP distribui fini batar ba agrikultór hamutuk tonelada 120.

“Ami identifika agrikultór ne’ebé halo duni serbisu mak ami distribui, tanba ne’e tenke haree ba kasidade Governu fó apoiu ba agrikultór sira. Maibé parte agrikultór balun mós iha sira-nia fini rasik, baihira tempu atu halo kultivasaun hare, sira uza sira-nia rasik no la depende ba Governu nia apoiu,” nia hatutan.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here