Sekretáriu Jerál Nasoins Unidas (ONU), António Guterres. Imajen/ Antaranews

DILI, 21 juñu 2021 (TATOLI) – Eis Prezidente Repúblika Timor-Leste nu’udar mós Laureadu Nobel ba Paz 1996, José Ramos Horta hato’o felisitasaun ba António Guterres ne’ebé re-eleitu  ba Sekretáriu Jerál  Nasoins Unidas (ONU) iha loron tolu ba kotuk.

Notísia Relevante : PN aprova votu kongratulasaun ba rekonduzaun António Guterres

Eis Prezidenti Republika, José Ramos Horta. Imajen Tatoli/Antonio Goncalves

“Parabéns ba António Guterres, ne’ebé hetan segundu mandatu hanesan Sekretáriu Jerál ONU,” Ramos Horta, haktuir ba jornalista-sira liu hosi konferénsia imprensa ne’ebé hala’o iha nia gabinete  eis titulares iha Faról, Dili, segunda ne’e.

Horta fó sasin katak  atu sai Sekretáriu Jerál ONU la’ós fasil tanba tenke buka relasaun di’ak ho nasaun hotu.

“Antonio Guterres hetan tan nia mandatu tanba iha periodu primeiru hatudu nia matenek mak nasaun boot sira nafatin fó sira-nia konfiansa ba nia iha segundu mandatu ho votu unanimidade, ida ne’e di’ak ida mós ba Timor-Leste tanba nia koñese Timor-Leste di’ak,” Horta hateten.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here