Diretór ESTECVOC, Marcos de Araújo. Imajen Tatoli/Celestina Teles

COVALIMA, 21 juñu 2021 (TATOLI)-Inan-aman estudante-sira iha Eskola  Sekundáriu Tékniku Vokasionál (ESTECVOC), Akar Laran, Covalima, kontribui osan hodi kontrata profesór lian Portugés.

“Ami nia preokupasaun kona-bá  rekursu umanu, hanesan ami iha ne’e problema ba profesór sira  ba lian Portugés,” diretór ESTECVOC, Marcos de Araújo, informa  ba Agência Tatoli iha nia serbisu fatin iha Covalima, segunda ne’e

Profesór-sira ne’e finalista  ho mellor exelente  iha Universidade Nasionál Timor Lorosa’e (UNTL), Fakuldade Edukasaun, Departamentu Lian Portugés

“Ami husu ba Ministériu Edukasaun Juventude no Desportu (MEJD) bele fasilita profesór sira-ne’e asina kontratu,” Marcos de Araújo tenik.

Estudante iha  Eskola Sekundáriu Tékniku Vokasionál, Akar Laran, Covalima,  hamutuk 226 ho profesór hamutuk na’in-41, kompostu hosi profesór permanente na’in-28 no profesór kontratadu na’in-sia (9) ho   voluntáriu na’in-ida (1).

Jornalista       : Celestina Teles 

Editór             : Francisco Simões

HAKEREK NO HATÁN

Please enter your comment!
Please enter your name here