Diretór Serbisu Saúde Munisípiu Baucau (SSMB), Domingos Reinaldo da Costa Guterres. Imajen Tatoli/Natalino Belo.

BAUCAU, 20 juñu 2021 (TATOLI)—Diretór Serbisu Saúde Munisípiu Baucau (SSMB), Domingos Reinaldo da Costa Guterres, hateten progresu vasinasaun AstraZeneca ba liña frente iha Baucau tuir planu sei estende tanba kartaun vasina menus.

“Aimoruk mai, kartaun vasina (kinur mai lato’o. Orsida mai, konforme mekanizmu ita prolonga tan tempu,” Diretor Saúde ne’e hateten ba Agência Tatoli, liuhosi telefónika, domingu ne’e.

Nia dehan, pesoál liña frente balun foin mak atu simu vasina AstraZeneca doze dahuluk nian entaun presiza kartaun vasina, nune’e progresu vasinasaun la tuir kalendáriu ne’ebé planea.

“Depende, tanba iha kartaun vasina balun seidauk kompleitu. Karik, orsida mak sira Organizasaun Mundiál Saúde (OMS) lori mai,” nia dehan.

Antes ne’e, parte Servisu Autónomu Medikamentus Ekipamentus Saúde (SAMES) iha loron sabdu (12/06) alende transporta vasina AstraZeneca, intrega mós ekipamentu seluk hanesan safety box 5lt hamutuk 30, Cotton wool hamutuk 20, Syringe auto disable 0,5 ml 23Gx1 (0.6x25mm) hamutuk 177, Glove netrile XL hamutuk 1.170, maskra surgical hamutuk 11.200 no Syringe disposable 1ml hamutuk 200.

Entertantu, ekipa liña frente ne’ebé sei simu ona vasina AstraZeneca faze daruak nian hamutuk na’in-2.018 hosi doze 1.322 durante semana-ida, nune’e kontinua kedas ba komunidade no idozu sira hamutuk na’in-21.385.

Jornalista : Natalino Belo

Editora    : Cancio Ximenes

HAKEREK NO HATÁN

Please enter your comment!
Please enter your name here