Atu prevenean husi surtu COVID 19 komunidade sira uja maskra antrian iha loja hodi sosa nesesidade basika sira.Imajen/Antonio Goncalves

GLENO, 19 juñu 2021 (TATOLI) – Governu hakotu ona serka sanitária iha Munisípiu Ermera, maske nune’e, Xefe Suku Talimoro, Postu Administrativu Ermera Vila, Luis dos Santos, apela ba komunidade kontinua kumpre protokolu saúde públiku, hanesan uza máskara,  fase-liman beibeik ho sabaun ka uza dezinfetante no distánsia fíziku.

“Iha ne’e komunidade sira ta’uk loos peste letál  COVID-19. Tanba ne’e, komunidade tenke kontinua kumpre protokolu saúde públiku atu evita transmisaun COVID-19,” Xefe Suku Luis dos Santos hateten ba Agência Tatoli iha Gleno, sábadu ne’e.

Nia rekoñese katak serka sanitária no konfinamentu domisiliáriu ne’ebé aplika iha Munisípiu Ermera halo komunidade lakon serbisu no susar tebes lori sira-nia produtu lokál ba merkadu no atu evita pandemia ne’e, komunidade komprometidu ona atu voluntáriamente simu vasina AstraZeneca no Sinovac.

Suku Talimoro kompostu hosi aldeia lima, maka hanesan Aldeia Bura, Limamesak, Nunusua, Diberti no Moris foun ho nia populasaun hamutuk 4.300.

Jornalista       : Hortencio Sanchez

Editór             : Cipriano Colo

HAKEREK NO HATÁN

Please enter your comment!
Please enter your name here