Ministru Administrasaun Estatál, Miguel Pereira de Carvalho. Imajen TATOLI/Egas Cristovão

DILI, 19 juñu 2021 (TATOLI)—Ministériu Administrasaun Estatál (MAE), ezekuta ona Orsamentu Jerál Estadu (OJE) 2021 hamutuk 48%.

“Governu aloka osan ba MAE hosi OJE 2021 hamutuk millaun $52 no ita ezekuta ona 48%,” MAE, Miguel Perreira de Carvalho, hateten ba jornalista Agência Tatoli iha Novo Turizmu, Lecidere, sábadu ne’e.

Notísia relevante:Ezekusaun OJE 2021 atinje ona 25%

Miguel Perreira de Carvalho, esplika 48% ne’e ezekuta ba Programa Nasionál Dezenvolvimentu Suku (PNDS) hanesan hadi’a sede suku sira, hadi’a infraestrutura iha suku laran, programa Uma Kbiit Laek (UKL), programa desentralizasaun administrativa, programa administrasaun eleitorál, programa prezerva dokumentu ho arkivu nasionál-sira inklui programa organizasaun urbana.

MAE rekoñese enfrenta dezafiu iha implementasaun programa tanba situasaun COVID-19 no kalamidade, maibé MAE kontinua esfrosu hodi hala’o nafatin atividade ho di’ak.

Tanba ne’e, iha ezekusaun OJE 2021 ba trimestre daruak, MAE kontinua programa PNDS, desentralizasaun administrativa, halo reforma lejislativa, implementasaun programa mão de obra, no  dezenvolvimentu rurál.

Taxa ezekusaun reál Orsamentu Jerál Estadu (OJE) 2021, ne’ebé rejista iha sesta (04/06), atinje ona millaun $480,3 ka 23,7%, hosi totál orsamentu billaun $2,1.

Hosi taxa ezekusaun ne’e, Ministériu Administrasaun Estatál (MAE) mós hanesan ministériu ne’ebé ezekuta OJE 2021 di’ak tebes.

Jornalista: Osória Marques

Editór: Cipriano Colo

1 KOMENTÁRIU

  1. Agradece ba ita nia Governo no maluk Cidadaun tomak, mesmo iha situasaun muito dificil mos ita continua hakaas aan ba ita nia Rai hodi continua ita nia desenvolvimentos,
    Ideias diak loss atu Halo Cidade oan iha Aileu para bele ajuda maluk TIMOR oan hodi merese hetan uma husi Governo, ita hotu tenque lolo liman no rona malu e supporta malu hodi iha solusaun diak no ba bebeik ho bensaun Nai Maromak nian.

Leave a Reply to Olga Cancel reply

Please enter your comment!
Please enter your name here