Cesta Bázika ne’ebé atu distribui ba komunidade. Imajen Tatoli/Dok

DILI, 19 juñu 2021 (TATOLI)—Abitante 300 hosi totál populasaun hamutuk 70.000 iha munisípiu Manufahi, seidauk simu Cesta Bázika.

“Reklamante na’in 300 ha’u entrega ona ba Diretór Jerál Desentralizasaun Administrativa, atu hato’o ba ministériu relevante hodi bele atende,” Administradór munisípiu Manufahi, Arantes Isaac Sarmento, hateten ba jornalista Agência Tatoli, iha otél Novu Turizmu, Lecidere, sábadu ne’e.

Notísia relevante:Manufahi preparadu simu vasina doze daruak

Administradór ne’e observa katak, implementasaun programa Cesta Bázika iha munisípiu ne’e la’o di’ak, tanba kompañia fornesedór-sira koopera di’ak tebes ho lider komunitária-sira inklui komunidade, ikusmai maioria konsege simu ona sasán.

Problema ne’ebé enfrenta durante implementasaun maka, dala barak kompañia lori fali sasán ne’ebé iha tiha ona komunidade hanesan batar.

“Populasaun Betanu iha batar barak, maibé kompañia haruka fali batar, entaun ida-ne’e ami-nia komunidade preokupa tebes,” nia dehan.

Problema seluk maka, ema-nia naran ne’ebé haruka ba munisípiu no hatutan ba Ministériu Administrasaun Estatál (MAE) no kontinua ba ministériu relevante, maibé bainhira atu halo distribuisaun ema ne’e naran laiha.

Munisípiu Manufahi kompostu hosi postu administrative haat mak hanesan Alas, Fatuberlio, Same no Turiscai.

Jornalista: Osória Marques

Editór: Cipriano Colo

HAKEREK NO HATÁN

Please enter your comment!
Please enter your name here