Sekretáriu Estadu Kooperativa, Elizário Ferreira. Imajen TATOLI/Egas Cristóvão

DILI, 18 juñu 2021 (TATOLI)—Iha ámbitu loron mundiál kooperativa iha 03 juñu, Sekretaria Estadu Kooperativa (SEKoop) sei partisipa iha semináriu via virtuál ne’ebé partisipa mós hosi entidade kooperativa hosi rai-li’ur.

“Komemorasaun ne’e sei iha semináriu, palestra no webinar ne’ebé maka sei realiza hosi aliansa kooperativa internationál,” Sekretáriu Estadu Kooperativa, Elizário Ferreira, informa iha ninia knaar fatin, Akait, sesta ne’e.

Bazeia ba ida-ne’e, movimentu kooperativa Timor-Leste hasai tema nasionál ‘kooperativa unidu iha luta kontra pobreza’.

“Katak kooperativa sira tenke unidu atu kontra pobre ne’ebé maka iha ita-nia rai,” nia akresenta.

Tuir governante ne’e, situasaun Serka Sanitária labele mobiliza movimentu kooperativa hodi partisipa iha semináriu, maibé funsionáriu SEKoop sei reprezenta movimentu kooperativa sira.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here