Sekretáriu Estadu Kooperativa, Elizário Ferreira. Imajen TATOLI/António Gonçalves

DILI, 18 juñu 2021 (TATOLI)Sekretáriu Estadu Kooperativa (SEKoop), Elizário Ferreira, hateten, kooperativa produsaun hamutuk 67 kontinua funsiona aktividade no dezenvolve di’ak liu tan.

“Kooperativa 67 halo hela atividade ne’ebé halai liu ba produsaun kooperativa agríkola, pekuária no kooperativa produsaun seluk,” Sekretáriu Estadu Kooperativa informa iha ninia knaar fatin, Akait, sesta ne’e.

Kooperativa produsaun ne’ebé aziste ona hamutuk 167, maibé 64 de’it maka halo funsaun no iha sede, restante ne’e seidauk.

Antes ne’e, atividade kuaze paradu tanba situasaun COVID-19.

“Kooperativa produsaun kuaze kolapsu hotu iha tinan 2019 no 2020, maibé daudaun funsiona filafali hodi halo atividade hanesan baibain,” nia hatutan.

Iha sorin seluk, Kuba komprometidu atu tulun SEKoop, dezenvolve kooperativa produsaun no iha tempu badak sei halo akordu.

Kooperativa produsaun hirak ne’e akomoda ona millaun $5, ne’ebé sai hanesan kapitál bele kontribui ba dezenvolvimentu atividade produsaun iha nível rurál.

Jornalista : Natalino Costa

Editora      : Julia Chatarina

HAKEREK NO HATÁN

Please enter your comment!
Please enter your name here