Pesoal saúde prepara hela vasina AstraZeneca. Imajen Tatoli/Francisco Sony.

DILI, 17 juñu 2021 (TATOLI) – Sekretáriu Estadu Juventude no Desportu (SEJD) Abrão Saldanha,  informa  sentru vasina ne’ebé loke iha resintu SEJD, Lecidere, Dili, aberta ba públiku ne’ebé hakarak simu vasina.

Notísia Relevante : CDTL apela ba membru federasaun hotu ba vasina hasa’e imunidade

“Sentru vasina arredores SEJD ne’e, Ministériu Saúde mak husu atu tau iha ne’e no ami mós iha hanoin atu enkoraja foin-sa’e-sira, ema sira ne’ebé hadomi desportu no públiku bele mai vasina,” Abrão Saldanha hateten ba Agência Tatoli iha edifísiu SEJD Dili, kinta ne’e.

Nia dehan, SEJD sei haree tuir númeru ema ne’ebé tuir vasina iha porsentu ne’ebé boot ona, deside re-ativa atividade ne’ebé halibur ema barak.

Sentru vasina iha SEJD estabelese atendimentu públiku durante semana ida nia laran no kada loron atende abitante-sira besik  na’in-20 hodi simu vasina.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here